Dirijyor Kamoliddin O‘rinboyev boshchiligidagi O‘zbekiston simfonik orkestri xor jo‘rligida «Toshkent» xalqaro aeroportida fleshmob o‘tkazdi. Tadbir shu kunlarda poytaxtning turli maskanlarida bo‘lib o‘tayotgan keng ko‘lamli opera festivalining bir qismi bo‘ldi.
23-may kuni Toshkent xalqaro aeroportining kelish zalida birdan Betxovenning To‘qqizinchi simfoniyasidan parcha yangray boshladi. Yo‘lovchilar ortga o‘girilar, olomon orasidan esa qo‘llarida musiqa cholg‘ulari bo‘lgan odamlar paydo bo‘laverdi. Zalda butun boshli orkestr to‘planganda, olomon orasidan opera ovozlari yangradi.
«Fleshmobning butun g‘oyasi shundan iborat ediki, musiqachilar va vokalistlar kundalik kiyimda bo‘lib, zalning turli burchaklaridan chiqib kelishdi, ularni yo‘lovchilar va aeroport xodimlaridan ajratib bo‘lmasdi. Bu juda g‘ayrioddiy bo‘ldi. Bagajini kutayotgan yo‘lovchilar zalda orkestr va haqiqiy opera artistlarini ko‘rishni aslo kutmagan edi. Shu bois bitta bunday performans yetarli emas, degan qarorga keldik va to‘rt soatdan so‘ng ikkinchi fleshmobni o‘tkazdik», — deya qayd etishdi Uzbekistan Airports boshqaruv kompaniyasi matbuot xizmatida.
Aksiyada jami 80 nafar musiqachi va 35 nafar vokalist ishtirok etdi. Orkestr Betxovenning To‘qqizinchi simfoniyasidan parchalar, «Ona yurtim ohanglari» popurrisi, «Andijon polkasi» va Botir Zokirovning «Umid» kompozitsiyasini ijro etdi. Umuman olganda, madaniy fleshmob Moskva, Dubay, Tel-Aviv, Jidda va Frankfurtdan kelgan 800 ga yaqin yo‘lovchini qamrab oldi.
Ta’kidlash joizki, 8–29-may kunlari bo‘lib o‘tayotgan opera festivali poytaxt hokimligi tomonidan O‘zbekiston simfonik orkestri bilan hamkorlikda tashkil etilgan. Festivalning maqsadi — opera san’atini ommalashtirish va mumtoz musiqa konsertlariga imkon qadar ko‘proq tomoshabin jalb etish.
2025-yil 24-iyun kuni O‘zbekiston Davlat simfonik orkestri 10-konsert mavsumini Pragadagi Smetana zalida yakunladi. Konsert fotogalereyasi.
O‘qish→O‘zbekiston Davlat simfonik orkestri Kamoliddin Urinboyev boshchiligida Pragadagi Smetana zalida Dvorjak, Raxmaninov va Chaykovskiy asarlarini ijro etdi.
O‘qish→2023-yil 13-dekabr kuni O‘zbekiston davlat konservatoriyasining Katta zalida orkestrning 10 yilligiga bag‘ishlangan yubiley konserti bo‘lib o‘tdi.
O‘qish→
